கன்னியாகுமரி மாவட்டத்தில் விமான நிலையம் அமைக்க நடவடிக்கை மேற்கொள்ளப்பட்டு வருகிறது: விஜய் வசந்த் எம்.பி. பேச்சு


குமரி மகாசபை நிர்வாகிகள்  கூட்டத்தில் மாவட்ட வளர்ச்சி குறித்த உறுதிமொழி கடைபிடிக்கப்பட்டது. 

குமரி மகாசபை அமைப்பு சார்பில் குமரி மாவட்ட வளர்ச்சி குறித்து விவாதிக்கப்பட்டதோடு விமான நிலையம், சுற்றுலா மேம்பாடு, தொழில்நுட்ப பூங்கா , புதிதாக  நவோதயா பள்ளி ,கேந்திர வித்யாலயா பள்ளி அமைத்தல் மற்றும் சாலை அடிப்படை வசதிகள் போன்ற வளர்ச்சிக்கான மேம்பாடுகள் குறித்து கோரிக்கை வைத்ததோடு, அதுகுறித்து விவாதமும் நடைபெற்றது.

இந்நிகழ்ச்சியில் கன்னியாகுமரி பாராளுமன்ற உறுப்பினர் விஜய் வசந்த் கலந்து கொண்டு பேசியதாவது:-

கன்னியாகுமரி மாவட்டத்தில் சின்ன விமான நிலையம் அமைக்க நடவடிக்கை மேற்கொள்ளப்பட்டு வருகிறது. அதேபோல் ஹெலிகாப்டர் தளம் மற்றும் ஹெலிஆம்புலன்ஸ் வசதியும் ஏற்படுத்திக் கொடுக்க நடவடிக்கை மேற்கொள்ளப்பட்டு வருகிறது. சுற்றுலா தலங்களை நவீனப்படுத்த கடல் சார்ந்த பகுதிகள் மட்டும் இன்றி மலை சார்ந்த பகுதிகளையும் நவீனப்படுத்தி  சுற்றுலாப் பயணிகளை கவர முயற்சிகள் மேற்கொள்ளப்பட்டு வருகிறது.

நவோதயா பள்ளி  குமரிமாவட்டத்தில் தொடங்க நடவடிக்கை மேற்கொள்ளப்பட்டு வருகிறது. கேந்திர வித்யாலயா பள்ளி மார்த்தாண்டம் அல்லது குழித்துறையை மையமாக வைத்து  தொடங்க மத்திய அரசிடம் கோரிக்கை வைக்கப்பட்டுள்ளது. குமரி மாவட்டத்தில் டெக்னோபார்க் என்னும் தகவல் தொழில்நுட்ப பூங்கா தொடங்கவும் முயற்சி மேற்கொள்ளப்பட்டு வருகிறது.

கன்னியாகுமரி மாவட்டத்தில் அதிகமான வழக்கறிஞர்கள் இருக்கின்றார்கள். ஆனால் சட்டக் கல்லூரி இல்லை. எனவே சட்டக் கல்லூரி மற்றும் பல்கலைக் கழகங்கள் அமைக்கவும், குமரி மாவட்ட மக்களின் வாழ்வாதாரத்தை மேம்படுத்த அனைவரும் ஒருங்கிணைந்து முயற்சி செய்யவேண்டும்

கருத்துகள்

இந்த வலைப்பதிவில் உள்ள பிரபலமான இடுகைகள்

தமிழ் நாடு தகவல் தொழில்நுட்ப நகர்களின் வகைப்படுத்துதல்.

தமிழக அமைச்சரவை ஒரு பார்வை தொடர்ச்சி-4,தகவல் தொழில்நுட்ப த்துறை.

வான் தமிழ்நாடு