மயிலாடுதுறை யில் ரூ.114.48 கோடி மதிப்பில் மாவட்ட ஆட்சியர் அலுவலகம்.

மயிலாடுதுறை போன்ற நகரங்களுக்கு 100 கோடியில், சென்னைக்கு கொண்டு வருவது போன்ற தொழிற்சாலைகள்  கொண்டுவரப்படும்  வாய்ப்பு இல்லை என்றாலும், மயிலாடுதுறை தனி மாவட்டமாக அறிவிக்கப்பட்டதை ஒட்டி சுமார் 100 கோடி மதிப்பிலான புதிய ஆட்சியர் கட்டிட திட்டம் அறிவிக்கப்பட்டுள்ளது .இதனால் கட்டுமான தொழில் வளர்ச்சி அடையும் ,மயிலாடுதுறை மற்றும் தமிழகம் முழுவதிலும் உள்ள கட்டுமான தொழிலாளர்கள் பயன் பெறுவார்கள் .மேலும் புதிய மாவட்டத்தில், புதிய அரசு அலுவலகங்கள் கட்டப்படும் போது, கோடிக்கணக்கான அளவில் முதலீடு செய்யப்படும் என்பதால், மயிலாடுதுறை மற்றும் அதன் சுற்றுவட்டார பகுதிகள் வளர்ச்சியடையும், மாவட்டங்கள் பிடரிப்பதால் ஏற்படும் நன்மைகள் இவை. குறிப்பாக தற்போது தான் தமிழக அரசு சென்னை தாண்டி, கோவை போன்ற நகரங்களுக்கு தொழிற்சாலைகளை கொண்டுவர தொடங்கி இருக்கின்றது. இந்த நிலையில் மயிலாடுதுறை போன்ற வளர்ச்சி குறைந்த நகரங்கள் வளர்ச்சி அடைய வேண்டுமானால், அவை மாவட்ட தலைநகரங்கள் ஆக உருவாக்கப்பட வேண்டும். மயிலாடுதுறை ஆட்சியர் அலுவலக கட்டிடம் தொடர்பான செய்தி இதோ:

மயிலாடுதுறை மக்களின் நீண்ட நாள் போராட்டம் மற்றும் கால்நூற்றாண்டு கனவாக இருந்த தனிமாவட்டம் கோரிக்கையை ஏற்று  தமிழகத்தின் 38-வது மாவட்டமாக மயிலாடுதுறை மாவட்டம் உருவாக்கப்படும் என்று அப்போதைய முதல்வர் எடப்பாடி பழனிச்சாமி மார்ச் மாதம் 2020-ஆம் ஆண்டு அறிவித்தார்.

மாவட்ட எல்லை வரையறை பணிக்காக சிறப்பு அதிகாரியாக லலிதா ஐஏஎஸ் அதே ஆண்டு ஜூலை 15-ஆம் தேதி நியமிக்கப்பட்டார். பின்னர், 2020 டிசம்பர் 28-ஆம் தேதி மயிலாடுதுறை புதிய மாவட்டமாக தொடங்கப்பட்டு, மாவட்ட ஆட்சியராக லலிதா நியமனம் செய்யப்பட்டார். தற்போது மாயூரநாதர் கீழவீதியில் இருந்த வணிகவரித்துறை அலுவலகம் தற்காலிக ஆட்சியர் அலுவலமாக மாற்றப்பட்டு செயல்பட்டு வருகிறது.

இந்நிலையில் மயிலாடுதுறை அருகே பால்பண்ணை பகுதியில் தருமபுரம் ஆதீனத்திற்கு சொந்தமான 21 ஏக்கர் இடத்தை ஆட்சியர் அலுவலகம், கட்டுவதற்காக தருமை ஆதீனம் வழங்கினார். அதற்கான பத்திரப்பதிவு நடைமுறைகள் மேற்கொள்ளப்பட்டு ரூ.114.48 கோடி மதிப்பீட்டில் மாவட்ட ஆட்சியர் அலுவலகம் அமைப்பதற்கான டெண்டர் விடப்பட்டிருந்தது.

இந்நிலையில் இன்று 7 மாடி கொண்ட பிரம்மாண்ட புதிய ஆட்சியர் அலுவலகம் கட்டுவதற்கான அடிக்கல் நாட்டுவிழாவை  காணொலிகாட்சி மூலம் சென்னை தலைமை செயலகத்தில் தமிழக முதல்வர் ஸ்டாலின் தொடங்கி வைத்தார். இந்நிகழ்ச்சியில் மாவட்ட ஆட்சியர் லலிதா, சுற்றுச்சூழல் துறை அமைச்சர் மெய்யநாதன் மற்றும் மயிலாடுதுறை சீர்காழி பூம்புகார் தொகுதி எம்எல்ஏக்கள் , அரசு அதிகாரிகள் கலந்து கொண்டனர்.

கருத்துகள்

இந்த வலைப்பதிவில் உள்ள பிரபலமான இடுகைகள்

தமிழ் நாடு தகவல் தொழில்நுட்ப நகர்களின் வகைப்படுத்துதல்.

தமிழக அமைச்சரவை ஒரு பார்வை தொடர்ச்சி-4,தகவல் தொழில்நுட்ப த்துறை.

வான் தமிழ்நாடு